بارد الصمت وكلامي ..

بارد الصمت وكلامي , يا وطن
لو أبدّفى به ترى الواقع ( مُخيف )

كان , صوتي لو أسولف لك : حزن
كان , جسمي من عنا الغربه نحيف

الدورب أطوال .. في هذا - الزمن
كيف , أمشيها - وأنا قلبي , كفيف

ماني , المخطي وليه أدفع , ثمن !
بس خطاهم , جرح ماوقّف , نزيف

دام مو , منّك أنا ! أرجع ( لـ من )
قلب , هذا الصمت ماضنّه / نظيف

كان صدري لـ أكبر أحلامي , سجن
كيف أحققها , وأنا منّهم ( ضعيف )

شوف , هذا البرد لـ ضلوعي كفن
ما كفاك الموت وش ناوي تضيف ؟

( ضاميه ) , كل المدينه , يا مزن
يا جفاف العمّر حمّلك , مو خفيف

طاحت , أوراق الاماني / ياغصن
من متى يا وقت ما غاب الخريف

قلب ينبض للضياع ( وللحزن )
كان يبكي كثر ما حلمه / عفيف

جا / يدور داخل الدنيا ( وطن )
ما لقى غير
الشوارع والرصيف

حكيمة العصر ,صادق الاحساس معجبون بهذا

المصدر : منتديات ريم الغلا - من ღ『 بُــــوح الـقـــصـيــد 📜✨ 』ღ