11-27-2025, 10:24 AM
|
|
|
عزالله ان ذم الخوي يا عرب عيب
رافق العالم يشوف التعاجيب
يكشف معادنها ويعرف مداها
الناس كلٍ له طبوعٍ واساليب
منها تميز طيبها من رداها
وانا احمد الله دون شكٍ ولا ريب
امشي سلومٍ يحمد اللي مشاها
لا صار للرفقه حقوق ومواجيب
عن كل عيب اصونها واحماها
مانيب ادور في رفيقي عذاريب
ولانيب اثور بندقي في خباها
اعامله في كل الاحوال بالطيب
وارفع قدر نفسه وابين غلاها
اجعل مكانه فوق روس المراقيب
وافخر بطيبه بالملا واتباها
عزالله ان ذم الخوي يا عرب عيب
عند الرجال اللي حميدٍ نباها
لا عاش من يرخص مقام الاصاحيب
ويحس خطرها ويبحث خفاها
المصدر : منتديات ريم الغلا - من ღ『 عَــذب الـخـواطــر 🖋️✨ 』ღ
كثر التشـّره والعتب يوجع الراس
من جاز لك جز له ومن شان خله .
|
عضويتي :
العرض الشجري