مدهالها القلب وعيوني مراتعهاااا...؟!

الجادل اللي يمر القلب شارعها
بين الحنايااا تعدي ماتطالعني.
***
تقفي مع الدم بعروقي واتابعها
واحس كنها على نفسي توزعني.
***
قامت تبعثر غلا وان جيت اجمعها
اضمها واتشتت لين تجمعنــــــي.
***
بين الحنايا تثني في مرابعهاااا
كنها تقول اتحدى من يطلعني.
***
دام الحشا بيتها وانا مدلعهاااا
وش دخل القلب يزعل يوم توجعني؟
***
وليا خذا رمشها رجل يطالعهاااا
لعل رمش خذاني مايرجعنـــــــي.
***
عيونه جيوش والنظرة طلايعهااااا
غارت بصدري وجاز لسيفها طعني!!.
***
ويوم انكفت لين قلبي من قلايعها
والصبر عن خافقي ماعاد ينفعني.
***
مدهالها القلب وعيوني مراتعهاا
اموت فيها وهي للريح تزرعني.
***
ريحانتي والغلا بالقلب زارعهااااا
تشرب عروقي وترواني وتشبعني.
***
كان النحل من رحيق الورد مشبعها
وانا شموخي من احلا شي جوعني.
***
وليا تعانق خجلها مع تواضعهااااا
عانقت ليل على مسراه شجعني.
***
لو ينسري ليلها سريت بايعهااااا
بشر ولا الله عن الزلة مرفعني.
***
واصبحت من عقب ماني ضدها معها
ان ضاعت اضيع وان دلت تسنعني!!
***
للجادل اللي شرايني شوارعهاااااا
القلب يقتادني والنفس تمنعنــــــي


*****