05-18-2022, 07:23 PM
|
|
|
من قاصي الدنيا انا اخترت دنياك ..~
ارتاح لا مني تواصلت وياك
ويزول هم داخل القلب موجود
مدري وش اللي فيك يازين خلاك
تملك زمام الود من دون مجهود
كل الغلا لغيرك يجي تحت ماطاك
ومن مملكة قلبي مهاجر ومطرود
ياسيدي كل الحواسيس لارضاك
وانا بعد لاجلك من الحب مشدود
جندي الهوى ياسيدي صار بحماك
ليتك تحطه داخل عيونك السود
على شؤونه كلها دووووم ولاك
وأخذ على نفسه مواثيق وعهود
إنه يصونك ولا يخونك بدنياك
ويزرع لك اشواقه بساتين وورود
جيتك وفا وقبلي كل الوفا جاك
هارب من ايام الشقى جيت للجود
من قاصي الدنيا انا اخترت دنياك
انت الوطن يانفحة الطيب والعود
فرحة حياتي هي وجودك ولقياك
اما بدونك باقي العمر معدوود
حاشااك ياقلبي من النقص حاشاك
ياللي غلاك بداخلي دوم في زود
|
|
|
المصدر : منتديات ريم الغلا - من ღ『 بُــــوح الـقـــصـيــد 📜✨ 』ღ
يزيد الخالدي .gif "Ff1 (244)")
يسعدلي قلبكك ع الاهداء الذوق ي عساني مانحرم  
|
عضويتي :
العرض الشجري