04-17-2022, 06:14 AM
|
|
|
|
|
|
|
{ انا ضواني ليل نجد و سريتــه ! ..~
ليلك نثر عطره على شاطي النيــل
وأنا ضواني ليل نجد و سريتـه ..
يا مطول الغيبات ياما أطول الليـل
توي دريت إنه سواد و جفيتـه..
أثر النجوم أكثر من الجدي و سهيــل
نجم كتب همي و نجم محيتـه ..
يا صاحبي عطشان عطشان لك حيــل
مظمي و همال السهر ما قويتـه ..
رد السلام لـ مترفات المناديــل
كحل العيون و دمعك اللي نسيتـه ..
الدرب ميت و الخطاوي مقاتيـل
وإن لاح طيفك مت فيه و حييتــه ..
الله على الضحكة نهار المواصيــل
هاك النهار اللي بـ عمري فديتـه ..
قبل أتقهوى من كسالا مظاليـل
قبل السلام و قبل جاني و جيتـه ..
ضم الحشا و أكسر جمود التفاصيـل
ما عندي أغلى من خفوق كويتــه ..
لـ مصافحك كف و قصيد و هلاهيـل
إما زبنك القلب والا خذيتــه ..
لو يغري القمرا ذبول القناديـل
بعت النهار لـ جيتك و إشتريتــه ..
يوم إنتثر عطرك على شاطي النيـل
أنا ضواني ليل نجد و سريتــه ..
|
|
|
المصدر : منتديات ريم الغلا - من ~•₪• للشعر الشعبي والنبطي ~•₪•
ذوق العنيدهه غير ولمساتها غير
تريحو ياهل الصور والتصاميم
عنيـدهہ
الله يسلم ايديك ويسعد قلبك ويملآ حياتك بالفرح
|