05-01-2021, 08:00 PM
|
|
شابت لحى الايام / بقلمي
القلب كانه بين الاضلاع مسروق
والفكر سج وعانق اجمل طروقه
شابت لحى الايام والطاق مطبوق
والحظ تدميه السنين وتعوقه
اخذت بالدنيا تجاريب و احقوق
وعرفت حقي قبل اطالب حقوقه
وميّزتها والقاف غنا بطاروق
يزهى الكرام اهل الفعول الصدوقه
احدٍ فعوله قدم عينك لها بروق
سخي كف وعظم ساقه يسوقه
مخلوق لكن غير عن كل مخلوق
في ساعة الشدات ما احدٍ يفوقه
واحدٍ لكتم السر وافي وصندوق
ماباح سده محكماتٍ وثيقه
واحدٍ يعل الكبد وايعوقها عوق
فيه الحسد يجري بداخل عروقه
ماكانه الا نافخ الكير محروق
خبيث ريح وزايداتٍ حروقه
واحدٍ يهزه هاجسه هزة الشوق
يطري عليه من الوله ما يشوقه
من وين ما هب الهوى حن برفوق
خايف من الوقت يتزايد صفوقه
كلٍ على نهجه مبيّن وموثوق
ترسم دروبه غايةٍ في خفوقه
المتمرد
|
المصدر : منتديات ريم الغلا - من ~•₪• للشعر الشعبي والنبطي ~•₪•
|