ودعتها وخفيت عنها دموعي
والله مانسى دمعته في وداعي
خايف تحس بحسرتي والتياعي
ودعتها والقلب مني جزوعي
جزع من الفرقي قليل المساعي
حيت الفراق المن تولع يلوعي
لوعات فرقاء موراها اجتماعي
في الحظه التوديع هديت روعي
بيني وبين النفس قمة صرعات
اخفيت ما حسيت بين الضلوعي
خايف عليها لا تحس بضياعي
قالت فمان الله ونطر رجوعي
واشرت بالتوديع حال استماعي
ساكت ولا رديت مهي طبوعي
من عبرتي تفرض على امتناعي
حان الوداع وحان وقت الفجوعي
وقفت ونا عيني عليها تراعي
بين الرجا والياس صبري يلوعي
على الوداع الشلون قلبي استطاعي
تومي بي الحسرات من غير طوعي
هذا الغلا مو غرام صناعي
اللي لاجله هان عندي خضوعي
والله منسي دمعته في وداعي
المصدر : منتديات ريم الغلا - من ~•₪• للشعر الشعبي والنبطي ~•₪•